საჯარო ინფორმაციის ხელმისაწვდომობის 100 პროცენტიანი უზრუნველყოფისთვის საქართველოს ცენტრალურ საარჩევნო კომისიას და საარჩევნო სისტემების განვითარების, რეფორმებისა და სწავლების ცენტრს სპეციალური სიგელი გადაეცა. ინფორმაციის თავისუფლების განვითარების ინსტიტუტის (IDFI) დირექტორმა გიორგი კლდიაშვილმა სიგელი ცესკოს თავმჯდომარეს თამარ ჟვანიას და სწავლების ცენტრის დირექტორს ნათია ზაალიშვილს პირადად გადასცა.
აღსანიშნავია, რომ გამჭვირვალობა სწავლების ცენტრის საქმიანობის სახელმძღვანელო პრინციპია, რომელსაც მტკიცედ წლების მანძილზე იცავს. 2011 წელსაც სწავლების ცენტრი აღიარებულ იქნა გამჭვირვალე ორგანიზაციად და მომავალშიც უზრუნველყოფს ნებისმიერი დაინტერესებული პირისთვის საჯარო ინფორმაციის ხელმისაწვდომობას და საკუთარი საქმიანობის ღიაობას.
