28 ოქტომბერს, საარჩევნო ადმინისტრაციამ საზოგადოებას ცესკოსა და სწავლების ცენტრის საქმიანობის  შუალედური ანგარიში  წარუდგინა.

ანგარიში 2015 წლის პირველი ექვსი თვის საქმიანობებს მოიცავს: სამოქალაქო და ამომრჩევლის საგანმანათლებლო პროგრამები; სამოქალაქო საზოგადოების ჩართულობის მხარდაჭერა; ინკლუზიური, თანაბარი და გენდერულად დაბალანსებული გარემოს ხელშეწყობა; სამართლებრივი ჩარჩოს დახვეწაში მონაწილეობა; ადამიანური რესურსების განვითარების და ინფრასტრუქტურის გაუმჯობესების თვალსაზრისით განხორციელებული აქტივობები; საპილოტე პროექტი ახალგაზრდებისთვის „საარჩევნო განვითარების სკოლა 2015“ - ეს იმ საქმიანობების არასრული ჩამონათვალია, რომელიც  ცესკომ და სწავლების ცენტრმა 1 იანვრიდან 1 ივლისამდე განახორციელეს.

ანგარიშში ასახული საქმიანობები ცესკოს 2015-2019 წლების სტრატეგიული გეგმით განსაზღვრულ პრიორიტეტებს ეფუძნება, რაც საარჩევნო ადმინისტრაციის ინსტიტუციურ გაძლიერებას, სამოქალაქო და ამომრჩევლის განათლებას, საარჩევნო გარემოს და საარჩევნო ოპერაციების დახვეწას და განვითარებას მოიცავს.

ღონისძიებას ადგილობრივი და საერთაშორისო ორგანიზაციების, პოლიტიკური პარტიების და მედიის  წარმომადგენლები ესწრებოდნენ.

ცენტრალური საარჩევნო კომისიის და სწავლების ცენტრის საქმიანობის შუალედური ანგარიში