27 ოქტომბერს, საგარეჯოს მუნიციპალიტეტის სოფელ ქეშალოში ცესკოსა და სწავლების ცენტრის წარმომადგენლები ეთნიკური უმცირესობების წარმომადგენელ ახალგაზრდა ამომრჩევლებს შეხვდნენ.

ხმის მიცემის პროცედურების უკეთ გაცნობის მიზნით, შეხვედრის მონაწილეებისთვის სწავლების ცენტრის მიერ მომზადებული სასწავლო ფილმის „კენჭისყრის დღის პროცედურების“ ჩვენება მოეწყო, რომელიც ეთნიკური უმცირესობებისთვის გასაგებ ენაზე, სუბტიტრებით არის დამზადებული. გარდა ამისა, ღონისძიებაში მონაწილე ახალგაზრდებმა პრაქტიკული აქტივობები განახორციელეს. მონაწილეებმა ე.წ. „ფაზელი“ ააწყვეს და იმიტირებული კენჭისყრით გამოავლინეს გამარჯვებული სლოგანი არჩევნების თემაზე. შეხვედრის შემდეგ ახალგაზრდა ამომრჩევლებს დაურიგდათ სწავლების ცენტრის მიერ მომზადებული საინფორმაციო ფლაერები - „ამომრჩევლის სამახსოვრო“.

საარჩევნო პროცესში ეთნიკური უმცირესობების ინტეგრაციის ხელშეწყობის უზრუნველსაყოფად ცესკო და  სწავლების ცენტრი სხვადასხვა საინფორმაციო და სასწავლო ხასიათის პროგრამებს მუდმივად ახორციელებენ, რაც ახალგაზრდებში საარჩევნო ცნობიერების ამაღლებას უწყობს ხელს.