2015 წლის საქართველოს პარლამენტისა და ადგილობრივი თვითმმართველობის წარმომადგენლობითი ორგანოს - საკრებულოს შუალედური არჩევნებისთვის სწავლების ცენტრმა შეიმუშავა დისტანციური სასწავლო პროგრამა, რომელიც მომხმარებელს აძლევს შესაძლებლობას მიიღოს სრულფასოვანი ინფორმაცია კენჭისყრის დღის პროცედურებისა და საუბნო საარჩევნო კომისიის მუშაობის წესის შესახებ, ხოლო პროგრამაში ინტეგრირებული ტესტირების ბლოკი საარჩევნო საკითხებთან დაკავშირებით ცოდნის გადამოწმების დამატებით რესურსს ქმნის.
დისტანციური სასწავლო პროგრამა მიზნად ისახავს საარჩევნო ცნობიერების ამაღლების ხელშეწყობას და ხელმისაწვდომია ნებისმიერი დაინტერესებული პირისათვის. აღნიშნულ პროგრამაზე წვდომის უზრუნველსაყოფად შესაბამისი ინფორმაცია დაეგზავნა 2015 წლის შუალედური არჩევნებისთვის რეგისტრირებულ საარჩევნო სუბიექტებს და დამკვირვებელი ორგანიზაციის სტატუსით რეგისტრირებულ არასამთავრობო ორგანიზაციებს.
პროგრამაზე გადასასვლელად იხილეთ ბმული
ცესკო და სწავლების ცენტრი რეგულარულად ახორციელებს სხვადასხვა ფორმატის სასწავლო და საინფორმაციო ხასიათის ღონისძიებებს საარჩევნო პროცესში ჩართული მხარეებისთვის.
