2015 წლის 31 ოქტომბრის პარლამენტის შუალედური არჩევნებისთვის შემუშავებული ტრენინგების კონცეფციის შესაბამისად, 23 ოქტომბერს დაიწყო ტრენინგების II ეტაპი N11 საგარეჯოსა და N65 მარტვილის საოლქო საარჩევნო კომისიების წევრებისათვის.

II ეტაპი ეთმობა საოლქო საარჩევნო კომისიის სრული შეადგენლობის (13 წევრი) ინსტუქტაჟს საარჩევნო უბნებზე კენჭისყრის დღის ეპიზოდური ინსცენირების ჩატარებასთან დაკავშირებით (ეპიზოდური ინსცენირება ითვალისწინებს კენჭისყრის დღის დილის 07:00 საათიდან - 08:00 საათამდე ჩასატარებელი პროცედურებისა და კენჭისყრის შედეგების შემაჯამებელი ოქმის შედგენის პრაქტიკული სავარჯიშოს შესრულებას).

ტრენინგების ჩატარებას უზრუნველყოფენ სწავლების ცენტრის თანამშრომლები.