2015-2016 სასწავლო წლის პირველ სემესტრში დაიწყო სწავლების ცენტრის მიერ შემუშავებული სასწავლო პროგრამის განხორციელება საარჩევნო სამართლის დარგში შემდეგ უნივერსიტეტებში:

• ივანე ჯავახიშვილის სახელობის თბილისის სახელმწიფო უნივერსიტეტი;
• საქართველოს დავით აღმაშენებლის სახელობის უნივერსიტეტი;
• ილიას სახელმწიფო უნივერსიტეტი;
• გორის სახელმწიფო სასწავლო უნივერსიტეტი;
• ი. გოგებაშვილის სახელობის თელავის სახელმწიფო უნივერსიტეტი.

დღეს ივანე ჯავახიშვილის სახელობის თბილისის სახელმწიფო უნივერსიტეტის სტუდენტებს სწავლების დაწყება მიულოცა ცესკოს თავმჯდომარემ თამარ ჟვანიამ, რომელიც სასწავლო კურსს წარმართავს სოციალურ და პოლიტიკურ მეცნიერებათა ფაკულტეტის სტუდენტებისთვის.

სასწავლო პროგრამა მიზნად ისახავს სტუდენტების მიერ აუცილებელი პროფესიული ცოდნის გაღრმავებას საარჩევნო სამართალში, მათი პრაქტიკული უნარ-ჩვევების განვითარებასა და სამოქალაქო ცნობიერების ამაღლების ხელშეწყობას. აღნიშნული სასწავლო პროგრამა სრულ სემესტრს მოიცავს, რომელიც 19 პარტნიორ უნივერსიტეტში ეტაპობრივად ხორციელდება.

სასწავლო კურსის განხორციელების უზრუნველსაყოფად სწავლების ცენტრის მიერ მომზადდა შესაბამისი დამხმარე სახელმძღვანელოები, პრაქტიკული სავარჯიშოების კრებული და  ელექტრონული პრეზენტაციები.

სწავლების ცენტის მიერ შემუშავებული აღნიშნული საგანმანათლებლო პროექტი უნივერსიტეტებში 2010 წლიდან ხორციელდება.