ცესკო და სწავლების ცენტრი  ღია მმართველობის პარტნიორობის (OGP) ფორუმის წევრები არიან, რომლებიც OGP-ის 2014-2015 წლების სამოქმედო გეგმის შესაბამისად  უზრუნველყოფენ საარჩევნო პროცესების შესახებ საზოგადოების ცნობიერების ამაღლებას. აღნიშნული ამოცანის შესრულება ქვეყნის დემოკრატიულ განვითარებას ემსახურება.

ფორუმში სულ 16 პასუხისმგებელი უწყებაა გაერთიანებული, რომელთა მიერ ნაკისრი სხვადასხვა ვალდებულებების შესრულება  უკავშირდება მსოფლიო მასშტაბით მთავრობათა გამჭვირვალობის, ანგარიშვალდებულების, ეფექტიანობისა და საზოგადოებრივი ჩართულობის გაზრდის ხელშეწყობას.

2015 წლის 3-4 ივნისს სწავლების ცენტრის დირექტორმა  ნათია ზაალიშვილმა მონაწილეობა მიიღო „ღია მმართველობის პარტნიორობის“ ევროპის რეგიონულ კონფერენციაზე, რომლის ფარგლებშიც საქართველოსა და სხვადასხვა ქვეყნების წარმომადგნლებმა ერთმანეთს გაუზიარეს გამოცდილება აღნიშნული მიმართულებით არსებული გამოწვევებისა და მიღწევების შესახებ.