2015 წლის 24 მარტს გამოცხადებულ საგრანტო კონკურსთან დაკავშირებით 15 მაისს ჩატარდა საგრანტო საკონკურსო კომისიის სხდომა, რომელზეც განხილულ იქნა კონკურსში მონაწილე არასამთავრობო ორგანიზაციების საკონკურსო დოკუმენტაციის არასრულყოფილად წარდგენისა და მისი სრულყოფის შესახებ საკითხი. აღნიშნულ კონკურსზე მონაწილე 75 არასამთავრობო ორგანიზაციიდან 63 ორგანიზაციას არასრულყოფილად ჰქონდა წარმოდგენილი საკონკურსო დოკუმენტაცია, რომელთაც განესაზღვრათ 5 სამუშაო დღე საკონკურსო დოკუმენტაციის სრულყოფისათვის.
„გრანტის გაცემის წესის“ შესაბამისად, არასამთავრობო ორგანიზაციის მიერ განსაზღვრულ ვადაში დადგენილი მოთხოვნების შესაბამისად სრულყოფილი საკონკურსო დოკუმენტაციის წარუდგენლობის გამო საკონკურსო კომისიამ მიიღო გადაწყვეტილება 6 არასამთავრობო ორგანიზაციის საკონკურსო დოკუმენტაციის განუხილველად დატოვების შესახებ:
მომდევნო სხდომაზე საგრანტო საკონკურსო კომისია უზრუნველყოფს არასამთავრობო ორგანიზაციების საკონკურსო დოკუმენტაციის განხილვა-შეფასებას წინასწარ ობიექტურად განსაზღვრული კრიტერიუმების შესაბამისად და არასამთავრობო ორგანიზაციების დაფინანსების ან დაფინანსებაზე უარის თქმის შესახებ გადაწყვეტილების მიღებას.
საგრანტო კონკურსის პროცესი გამჭვირვალეა. სწავლების ცენტრი უზრუნველყოფს კონკურსის მიმდინარეობასთან დაკავშირებული ინფორმაციისა და კონკურსის შედეგების პროაქტიულ გამოქვეყნებას. კონკურსთან დაკავშირებული შემდგომი ინფორმაცია ეტაპობრივად განთავსდება ვებ-გვერდზე.
ცხელი ხაზი: 261 21 11; 599 95 83 83
