ცესკოს სწავლების ცენტრის მიერ 2014 წლის 15 სექტემბერს გამოცხადებულ საგრანტო კონკურსზე დაფინანსებულმა არასამთავრობო ორგანიზაციებმა - განვითარების კვლევისა და შეფასების ცენტრმა, გენდერული  თანასწორობის ქსელმა და სამოქალაქო განვითარების ინსტიტუტმა მიმდინარე წლის 24 აპრილს გამართეს საგრანტო პროექტების დასკვნითი ღონისძიება, რომელსაც ესწრებოდნენ საქართველოს პარლამენტისა და საკრებულოს წევრები, აღმასრულებელი ხელისუფლების, პოლიტიკური პარტიების, საერთაშორისო და ადგილობრივი არასამთავრობო  ორგანიზაციების წარმომადგენლები, თვითმმართველი ქალაქების მერები.

დამსწრე საზოგადოებას სიტყვით მიმართეს ცესკოს თავმჯდომარემ თამარ ჟვანიამ და ცესკოს სწავლების ცენტრის დირექტორმა ნათია ზაალიშვილმა, რომლებმაც ისაუბრეს საგრანტო კონკურსების ფარგლებში არასამთავრობო ორგანიზაციებთან პროაქტიული თანამშრომლობით განხორციელებული საგრანტო პროექტების მნიშვნელობაზე, რაც ორიენტირებულია სამოქალაქო და საარჩევნო კულტურის განვითარებაზე, გენდერული თანასწორობისა და ყველასთვის თანაბრად ხელმისაწვდომი საარჩევნო გარემოს უზრუნველყოფაზე.