2015 წლის 20 აპრილიდან საარჩევნო სისტემების განვითარების, რეფორმებისა და სწავლების ცენტრმა დაიწყო სამოქალაქო ცნობიერების ამაღლების ხელშეწყობის პროექტის განხორციელება ბავშვთა სახლებსა და ბავშვზე ზრუნვის სხვა ალტერნატიულ ადგილებში განთავსებული მოზარდებისა და ახალგაზრდებისთვის. პროექტი ხორციელდება საქართველოს ცენტრალური საარჩევნო კომისიის, საარჩევნო სისტემების განვითარების, რეფორმებისა და სწავლების ცენტრის, სსიპ სოციალური მომსახურების სააგენტოსა და ააიპ ასოციაცია საქართველოს ეს-ო-ეს ბავშვთა სოფელს შორის გაფორმებული მემორანდუმის საფუძველზე.
მონაწილეებს მიესალმა ცესკოს თავმჯდომარის მოადგილე გიორგი შარაბიძე, სწავლების ცენტრის დირექტორი ნათია ზაალიშვილი და ქ. თბილისის ეს-ო-ეს ბავშვთა სოფლის უფროსი პედაგოგი ნიკო მიქაძე, რომლებმაც ისაუბრეს ისეთი მნიშვნელოვანი საკითხების შესახებ, როგორიცაა დემოკრატიული არჩევნების არსისა და არჩევნებში თითოეული ამომრჩევლის როლის მნიშვნელობა, საზოგადოებრივ-პოლიტიკურ ცხოვრებაში ქალთა და მამაკაცთა თანაბარი უფლებები და შესაძლებლობები და საარჩევნო პროცესში ახალგაზრდების აქტივობის ზრდის წახალისება.
პროექტის პირველ ეტაპს - ორკვირიან სასწავლო კურსს, სწავლების ცენტრი ქ. თბილისის ეს-ო-ეს ბავშვთა სოფელში 2015 წლის 20 აპრილიდან 1 მაისის ჩათვლით განახორციელებს. სწავლების მეორე ეტაპი კი, ასევე ორკვირიანი კურსი ქ. ქუთაისის ეს-ო-ეს ბავშვთა სოფელში 2015 წლის 4 მაისიდან 15 მაისის ჩათვლით გაიმართება.
ტრენინგის ფარგლებში მონაწილეები გაეცნობიან შემდეგ საკითხებს:
მონაწილეებს საშუალება ექნებათ ნახონ სწავლების ცენტრის მიერ გადაღებული სასწავლო ფილმი „კენჭისყრის დღის პროცედურები“ და პრაქტიკული სწავლების ფარგლებში განახორციელებენ კენჭისყრის დღის სიმულაციას.
