25-26 მარტს, სწავლების ცენტრის ხელმძღვანელი ნათია ზაალიშვილი, ცესკოს დაგეგმვისა და სახელმწიფო შესყიდვების დეპარტამენტის უფროს ოთარ ბუსკივაძესთან ერთად ბუქარესტში გამართულ რიგით მეორე საერთაშორისო კონფერენციას დაესწრო. კონფერენციის მთავარი თემა - „არჩევნების მთლიანობა და რეგიონული თანამშრომლობა“ იყო.

ორი დღის განმავლობაში, შეხვედრის მონაწილეებს საშუალება ჰქონდათ საკუთარი ხედვები და მოსაზრებები დაეფიქსირებინათ არჩევნების მთლიანობის მიმართულებით, მათ შორის არჩევნების კონცეფციის, სტრატეგიებისა და კვლევების სწორად დაგეგმვისა და განხორცილების კუთხით. მონაწილეებმა რეგიონული თანამშრომლობის გაღრმავების საკითხიც განიხილეს და სხვადასხვა ქვეყნების საარჩევნო ადმინისტრაციებს შორის ურთიერთობების გაღრმავების კუთხით განსახორციელებელი აქტივობები დაგეგმეს.

საქართველოს გარდა, კონფერენციაში მონაწილეობა მიიღეს სხვადასხვა ქვეყნების საარჩევნო ადმინისტრაციებისა და საერთაშორისო ორგანიზაციების წარმომადგენლებმა.

კონფერენცია რუმინეთის მუდმივმოქმედი საარჩევნო კომისიის ორგანიზებით გაიმართა.