საქართველოს ცენტრალური საარჩევნო კომისიის დელეგაციამ ამერიკის 2014 წლის საარჩევნო პროგრამაში მიიღო მონაწილეობა. ცესკოს წარმომადგენლების ვიზიტს აშშ-ში ორგანიზება საარჩევნო სისტემების საერთაშორისო ფონდმა (IFES) გაუკეთა. ვიზიტის ფარგლებში დელეგაციამ, რომლის შემადგენლობაშიც ცესკოს თავმჯდომარე თამარ ჟვანია, წევრებთან ერთად და საარჩევნო სისტემების განვითარების, რეფორმებისა და სწავლების ცენტრის ხელმძღვანელი ნათია ზაალიშვილი იმყოფებოდნენ, პლენალურ სხდომებში მიიღეს მონაწილეობა, სადაც აშშ-ს არჩევნებთან დაკავშირებული  საკითხები განიხილეს. მათ შორის ისეთი აქტუალური თემები, როგორიცაა პრაიმერი და კანდიდატებს შორის დებატები ამერიკის ორპარტიულ სისტემაში, ამერიკის საარჩევნო სისტემის თავისებურებები და წარმატებული სტრატეგიები ამერიკის პოლიტიკურ ცხოვრებაში ქალთა როლის გაძლიერებისთვის. 4 ნოემბერს გამართულ შუალედურ საყოველთაო არჩევნებზე კი ცესკოს დელეგაციას შესაძლებლობა მიეცა უშუალოდ საარჩევნო უბნებზე დაკვირვებოდა საარჩევნო პროცესს.  

ცესკოს დელეგაციის წევრებმა ვიზიტის ფარგლებში შეხვედრები გამართეს ამერიკის სახელმწიფო დეპარტამენტში, საქართველოში მომუშავე საერთაშორისო ორგანიზაციების სათაო ოფისების წარმომაგენლებთან და გაეროს მისიასთან.