2014 წლის 8 აპრილს 12:00 და 16:00 საათზე ცესკოს სწავლების ცენტრმა ჩაატარა ტრენინგი 2014 წლის ადგილობრივი თვითმმართველობის არჩევნებში კანდიდატობის მსურველი ქალებისთვის. მონაწილეები გაეცნენ შემდეგ ძირითად საკითხებს:

1.   ადგილობრივი თვითმმართველობის ორგანოთა არჩევნები:

• ადგილობრივი თვითმმართველობის არსი
• ადგილობრივი თვითმმართველობის არჩევითი ორგანოები
• საარჩევნო სისტემა
• აქტიური და პასიური საარჩევნო უფლება

2.    საარჩევნო სუბიექტების რეგისტრაცია:        

• ამომრჩეველთა საინიციატივო ჯგუფის რეგისტრაცია
• მაჟორიტარულ საარჩევნო ოლქში კანდიდატების წარდგენის წესი
• პარტიული სიების წარდგენის წესი
• მერობის/გამგებლობის კანდიდატების წარდგენის პროცედურა
• პარტიული სიებისა და კანდიდატების რეგისტრაცია.

3.    წინასაარჩევნო კამპანია (აგიტაცია)

აღნიშნული ინიციატივა შემუშავდა გენდერული თანასწორობის საკითხებზე მომუშავე არასამთავრობო ორგანიზაციებისა და ცესკოს მუდმივმოქმედი კომისიის მიერ, ერთობლივი შეხვედრების ფარგლებში გამოკვეთილი პრიორიტეტების შესაბამისად, რომელიც მიზნად ისახავს საარჩევნო პროცესში ქალთა ჩართულობის ზრდის ხელშეწყობას.

საგანმანათლებლო პროექტი ხორციელდება ააიპ „თანასწორობის ქსელთან“ (GEN) და ააიპ „ქალთა საინფორმაციო ცენტრთან“ (WIC) პარტნიორობით.