ეუთოს დემოკრატიული ინსტიტუტებისა და ადამიანის უფლებათა ოფისმა (OSCE/ODIHR) 2013 წლის 27 ოქტომბრის საქართველოს პრეზიდენტის არჩევნების შესახებ საბოლოო ანგარიში გამოაქვეყნა, სადაც პოზიტიურად არის შეფასებული ცესკოს სწავლების ცენტრის საქმიანობა.
ამონარიდი ანგარიშიდან:
„ცესკოს სასწავლო ცენტრმა საუბნო საარჩევნო კომისიების წევრებისათვის ტრენინგები ჩაატარა, სადაც მაღალი დასწრება აღინიშნებოდა. ეუთოს დემოკრატიული ინსტიტუტებისა და ადამიანის უფლებათა ოფისის საარჩევნო სადამკვირვებლო მისიისა და ტრენინგებზე დამსწრე საზოგადოების განცხადებით, ტრენინგის მასალები ყოვლისმომცველი და კარგად შედგენილი, ხოლო თავად ტრენინგები კი ინტერაქტიული იყო, მონაწილეებმა აღნიშნული ტრენინგები პოზიტიურად შეაფასეს. გარდა ამისა, ტრენინგები სხვა დაინტერესებულ მხარეებსაც ჩაუტარდათ, მათ შორის, ადგილობრივი ხელისუფლების წარმომადგენლებს, ეროვნულ უმცირესობათა საბჭოს წევრებს, სახალხო დამცველის აპარატის და სასჯელაღსრულების დაწესებულებების თანამშრომლებს, მედიის წარმომადგენლებს, ადგილობრივ დამკვირვებლებსა და პოლიტიკური პარტიების წარმომადგენლებს“.
