მიმდინარე წლის 9 ოქტომბერს, ქ. ქუთაისში, არასამთავრობო ორგანიზაციამ ,,კოალიცია დამოუკიდებელი ცხოვრებისათვის”, საარჩევნო სისტემების განვითარების, რეფორმებისა და სწავლების ცენტრის მიერ დაფინანსებული პროექტის - „თანაბარი საარჩევნო გარემო-პირობების შექმნის ხელშეწყობა შეზღუდული შესაძლებლობის მქონე ადამიანებისთვის“ ფარგლებში საინფორმაციო-საგანმანათლებლო სემინარი გამართა ქუთაისის ა. წერეთლის სახელობის სახელმწიფო უნივერსიტეტის სტუდენტებისთვის.

სემინარზე - „თანაბარი არჩევნების უზრუნველყოფისათვის“ სტუდენტების როლი და ინიციატივები განიხილეს. შეხვედრაზე, ასევე, მოეწყო სწავლების ცენტრის მიერ გადაღებული ფილმის ,,კენჭისყრის დღის პროცედურების” ჩვენება და საარჩევნო სიმულაციები.

არასამთავრობო ორგანიზაციის წარმომადგენლებმა გამართულ შეხვედრაზე სტუდენტებს მიაწოდეს ინფორმაცია კენჭისყრის დღისა და საარჩევნო პროცედურების შესახებ, მათ ასევე  დაურიგდათ სწავლების ცენტრის ბრენდირებული მაისურები და ამომრჩევლის სამახსოვროები.