დასრულდა ტრენინგი საარჩევნო სუბიექტების (პოლიტიკური პარტიებისა და საინიციატივო ჯგუფების) წარმომადგენლებისთვის, რომელიც გაიმართება ქ. თბილისში, პირველი ოქტომბრიდან 3 ოქტომბრის ჩათვლით. პროგრამის ფარგლებში ტრენინგი გაიარეს 23 საარჩევნო სუბიექტის 220 წარმომადგენელმა.
მონაწილეებს მიესალმნენ საქართველოს ცენტრალური საარჩევნო კომისიის თავმჯდომარე ქალბატონი თამარ ჟვანია და საარჩევნო სისტემების განვითარების, რეფორმებისა და სწავლების ცენტრის დირექტორი ქალბატონი ნათია ზაალიშვილი.
მონაწილეები გაეცნენ საარჩევნო კანონმდებლობის სიახლეებს, განიხილეს ისეთი მნიშვნელოვანი საკითხები, როგორიცაა საარჩევნო პროცესში საარჩევნო სუბიექტის წარმომადგენლის როლი და უფლებრივი მდგომარეობა, საუბნო საარჩევნო კომისიის საქმიანობა კენჭისყრის დღეს. ტრენინგის პრაქტიკული სწავლების ფორმატში ასევე უზრუნველყოფილ იქნა სწავლების ცენტრის მიერ მომზადებული სასწავლო ფილმის ”კენჭისყრის დღის პროცედურების” ჩვენება.
ტრენინგის მონაწილეებს გადაეცათ სწავლების ცენტრის მიერ მომზადებული სახელმძღვანელოები.
