სსიპ საარჩევნო სისტემების განვითარების, რეფორმებისა და სწავლების ცენტრში საჯარო მოხელის პროფესიული განვითარების აკრედიტებული საბაზისო პროგრამის – „პიროვნული და პროფესიული კომპეტენციების განვითარების კურსის“ – წარმატებით დასრულებისადმი მიძღვნილი სერტიფიკატების გადაცემის ცერემონია გაიმართა.

კურსი ცესკოს აპარატის 20-მა თანამშრომელმა გაიარა. სერტიფიკატები მონაწილეებს ცესკოს თავმჯდომარის მოადგილემ გიორგი შარაბიძემ, სწავლების ცენტრის დირექტორმა ნათია ზაალიშვილმა და ცესკოს აპარატის ადამიანური რესურსების მართვისა და შრომის უსაფრთხოების დეპარტამენტის უფროსმა თამარ ცერცვაძემ გადასცეს.

ცერემონიაზე გამომსვლელებმა მონაწილეებს კურსის წარმატებით დასრულება მიულოცეს და აღნიშნეს, რომ მსგავსი საგანმანათლებლო პროგრამები საარჩევნო ადმინისტრაციის ინსტიტუციური გაძლიერების მნიშვნელოვანი ნაწილია. მათი შეფასებით, თანამშრომელთა უწყვეტი სწავლება ხელს უწყობს მაღალი სტანდარტების დამკვიდრებას, ეფექტიანი სამუშაო გარემოს შექმნასა და საჯარო სამსახურის ხარისხის კიდევ უფრო გაუმჯობესებას.

პროგრამის ფარგლებში მონაწილეებმა გაიარეს მოდულები ეთიკის, ადმინისტრაციული წარმოების, კომუნიკაციის, გუნდური მუშაობისა და ეფექტიანი მომსახურების მიმართულებებით. სასწავლო პროცესში განსაკუთრებული ყურადღება დაეთმო პრაქტიკულ სავარჯიშოებს, გამოცდილების გაზიარებასა და რეალურ სამუშაო პროცესზე მორგებული უნარების გაძლიერებას. ტრენინგებს სწავლების ცენტრის ექსპერტები უძღვებოდნენ.

პროგრამა 2026 წლის 2 ივნისს დაიწყო და 29 ივნისს სერტიფიკატების გადაცემის ცერემონიით დასრულდა. აღნიშნული სასწავლო კურსი ერთ-ერთი მნიშვნელოვანი საგანმანათლებლო ინიციატივაა, რომელიც ხელს უწყობს საარჩევნო ადმინისტრაციის თანამშრომელთა კომპეტენციების გაძლიერებასა და ინსტიტუციური შესაძლებლობების განვითარებას.