სსიპ საარჩევნო სისტემების განვითარების, რეფორმებისა და სწავლების ცენტრის წარმომადგნლები ოფიციალური ვიზიტით ნიდერლანდების სამეფოში იმყოფებოდნენ.

დელეგაციის წევრები საერთაშორისო დამკვირვებლების სტატუსით 2026 წლის 18 მარტს გამართულ მუნიციპალურ არჩევნებს დააკვირდნენ. მისიის შემადგენლობაში შედიოდნენ სწავლების ცენტრის დირექტორი ნათია ზაალიშვილი, ადმინისტრაციული სამსახურის იურისტი ეკატერინე ჩაფიჩაძე და სასწავლო პროგრამების სამსახურის სასწავლო რესურსების შემუშავებისა და განვითარების მენეჯერი თორნიკე გოგისვანიძე.

სწავლების ცენტრის დელეგაციის წევრები კენჭისყრის წინა დღეს და კენჭისყრის დღეს საარჩევნო ადმინისტრაციაში გამართულ შეხვედრებს დაესწრნენ. ბრიფინგების ფარგლებში ნიდერლანდების შინაგან და სამეფო საქმეთა სამინისტროს წარმომადგენლებმა მონაწილეებს მიაწოდეს ინფორმაცია არჩევნების ადმინისტრირების შესახებ, მათ შორის, განიხილეს მუნიციპალური არჩევნებისთვის პილოტურად მომზადებული ახალი საარჩევნო ბიულეტენის დიზიანი და გამოწვევები, რის საპასუხოდაც დაინერგა აღნიშული სიახლე. არჩევნების დღეს  სწავლების ცენტრის წარმომადგენლები საარჩევნო უბნებზე ხმის მიცემისა და დათვლის პროცედურებს დააკვირდნენ.

ნიდერლანდების სამეფოში გამართულ არჩევნებზე საერთაშორისო დაკვირვების მისიის ფარგლებში მონაწილეობა სხვადასხვა ქვეყნის საარჩევნო ადმინისტრაციებმა და საერთაშორისო ორგანიზაციებმა მიიღეს.