საარჩევნო სისტემების განვითარების, რეფორმებისა და სწავლების ცენტრმა საგანმანათლებლო ხასიათის ელექტრონული პროგრამა შეიმუშავა, რომელიც მომხმარებელს აძლევს შესაძლებლობას მიიღოს სრულფასოვანი ინფორმაცია კენჭისყრის დღის პროცედურებისა და საუბნო საარჩევნო კომისის მუშაობის წესის შესახებ და მიღებული ცოდნა თავად გადაამოწმოს ტესტირების პროგრამის საშუალებით. აღნიშნული პროგრამა მიზნად ისახავს საარჩევნო გარემოს განვითარების ხელშეწყობას და ხელმისაწვდომია როგორც არჩევნებში ჩართული მხარეებისთვის, ასევე, სხვა დაინტერესებული პირებისთვის.
სასწავლო პროგრამის პრეზენტაცია გაიმართა საქართველოს ცენტრალური საარჩევნო კომისიის ინიციატივითა და საარჩევნო სისტემების საერთაშორისო ფონდის (IFES) მხარდაჭერით არასამთავრობო ორგანიზაციებისა და მედიის წარმომადგენლებთან ორგანიზებულ შეხვედრაზე, სასტუმრო ”რედისონ ბლუ ივერიაში”.
