აშშ-ის საერთაშორისო განვითარების სააგენტოს (USAID) ფინანსური მხარდაჭერით საარჩევნო სისტემების საერთაშორისო ფონდისა (IFES) და სსიპ საარჩევნო სისტემების განვითარების, რეფორმებისა და სწავლების ცენტრის პარტნიორობით მიმდინარე წლის 22-26 ივლისისა და 28 ივლისი - 1 აგვისტოს პერიოდებში, ქ. ბათუმში, სასტუმროში „Radisson Blu Hotel, Batumi“ უზრუნველყოფილ იქნა BRIDGE-ის (Building Resources In Democracy, Governance and Elections) ტრეინინგ-მოდულის „გენდერი და არჩევნები“ ჩატარება არასამთავრობო ორგანიზაციებისა და მედიის საშუალებების წარმომადგენლებით დაკომპლექტებული ჯგუფებისათვის.

ტრეინინგებზე განხილულ იქნა ისეთი საკითხები, როგორიცაა არჩევნების საერთაშორისო სტანდარტები, საკანონმდებლო ჩარჩო, საარჩევნო ციკლი, ქალების წარმომადგენლობა პოლიტიკაში, საარჩევნო სისტემების გავლენა წარმომადგენლობაზე, საარჩევნო სისტემები, მათ შორის, მაჟორიტარული, პროპორციული, შერეული და სხვა სისტემები, საარჩევნო ბარიერი, მანდატების განაწილების ფორმულები, კვოტების სახეობები, აღსრულება და სანქციები, ერთმანდატიანი/მრავალმანდატიანი ოლქები და კვოტების გამოყენება, ადვოკატირება და ლობირება, სტრატეგიის შემუშავება, ამომრჩეველთა განათლება, მესიჯების შემუშავება, გენდერი, მედია და არჩევნები, გენდერული საკითხების მედია-მონიტორინგი.

ტრეინინგები ჩატარდა თანამედროვე ინტერაქტიული მეთოდების, მათ შორის, თეორიული და პრაქტიკული მეცადინეობების, როლური თამაშებისა და  პრეზენტაციების გამოყენებით.