მუნიციპალიტეტის ორგანოთა 2025 წლის 4 ოქტომბრის არჩევნებისთვის სამოქალაქო საარჩევნო ცნობიერების განმტკიცებაზე ორიენტირებული პროექტების განხორციელება გრძელდება.
მიმდინარე ეტაპზე, ცესკომ და სწავლების ცენტრმა განაახლა საჯარო მოსამსახურეებისთვის განკუთვნილი საინფორმაციო-სასწავლო კურსი, რომელიც ითვალისწინებს საარჩევნო პროცესის მიმდინარეობისას საჯარო უწყებებში ადმინისტრაციული რესურსებისა და თანამდებობრივი/სამსახურებრივი მდგომარეობის არამართლზომიერად გამოყენების პრევენციის მიზნებისთვის ცნობიერების ამაღლების ხელშეწყობას.
საინფორმაციო-სასწავლო კურსი დისტანციურ ფორმატშია მომზადებული, განთავსებულია ცესკოს და სწავლების ცენტრის ვებგვერდებზე ინტეგრირებულ ელექტრონულ სასწავლო პლატფორმაზე https://electiontraining.cec.gov.ge/.
აღნიშნული რესურსი საჯარო მოსამსახურეებს, ასევე, სხვა ნებისმიერ დაინტერესებულ პირს, დროსა და სივრცეში შეუზღუდავად ანიჭებს თემატურ ინფორმაციაზე წვდომის შესაძლებლობას. კურსში განხილულია შემდეგი ძირითადი მოდულები:
ელექტრონულ სასწავლო პროგრამაში ინტეგრირებული ტექსტური დავალებების ბლოკი ქმნის თემატურ საარჩევნო საკითხებზე ცოდნის გადამოწმების დამატებით რესურსს. ტესტირების პროცესის წარმატებით გავლის შემდგომ მომხმარებელი იღებს ელექტრონულ სერტიფიკატს.
საჯარო მოსამსახურეების საინფორმაციო-სასწავლო პროგრამაში ჩართულობისა და სასწავლო რესურსის შესახებ ინფორმაციის სახელმწიფო უწყებებში, ცენტრალურ და მუნიციპალურ დონეზე, დაყვანის ხელშეწყობის მიზნით, საარჩევნო ადმინისტრაცია საქართველოს მთავრობის ადმინისტრაციასთან და სამართლიანი არჩევნებისთვის უწყებათაშორის კომისიასთან თანამშრომლობს.
ცესკოს ინიციირებით ზემოაღნიშნულ პროექტს საფუძველი ჩაეყარა 2020 წელს, საჯარო სამსახურის ბიუროს, თავისუფალი და სამართლიანი არჩევნებისთვის უწყებათაშორისი კომისიის და საქართველოში ევროპის საბჭოს ოფისის მხარდაჭერით. აღსანიშნავია, რომ საჯარო მოსამსახურეების მაღალი ინტერესის პირობებში, 2020-2024 წლებში, სასწავლო პროგრამაში მონაწილეობა 30 000-ზე მეტმა პირმა მიიღო.
