ცენტრალური საარჩევნო კომისიის (ცესკო) და სწავლების ცენტრის თანამშრომლებმა, ასევე საოლქო საარჩევნო კომისიების წევრებმა შრომის უსაფრთხოების ზოგადი პრინციპების, სახანძრო უსაფრთხოებისა და ევაკუაციის ღონისძიებების შესახებ ტრენინგებები გაიარეს.
ტრენინგების მიმდინარეობისას საარჩევნო ადმინისტრაციის თანამშრომლებმა იმ ძირითადი მოთხოვნებისა და პრევენციული ღონისძიებების შესახებ მიიღეს ინფორმაცია, რომელიც სამუშაო ადგილზე შრომის უსაფრთხოების საკითხებსა და შრომის უსაფრთხოების მიმართულებით უფლება-მოვალეობებს და პასუხისმგებლობებს უკავშირდება.
ტრენინგები 22 ნაკადად, თებერვალისა და მარტის თვეში განხორციელდა და მასში მონაწილეობა 634 თანამშრომელმა მიიღო. სწავლება ცესკოს ადამიანური რესურსების მართვისა და შრომის უსაფრთხოების დეპარტამენტის ორგანიზებით ჩატარდა. ამ მიმართულებით თანამშრომლებისთვის შესაბამისი სწავლებისა და ინსტრუქტაჟის ჩატარება „შრომის უსაფრთხოების შესახებ“ საქართველოს ორგანული კანონით არის განსაზღვრული.
აღსანიშნავია, რომ თანამშრომლებისათვის უსაფრთხო და ჯანსაღი სამუშაო გარემოს შექმნა საარჩევნო ადმინისტრაციის საქმიანობის ერთ-ერთი პრიორიტეტია და ამ მიმართულებით ტრენინგები მომავალშიც ჩატარდება.
