საარჩევნო სისტემების განვითარების, რეფორმებისა და სწავლების ცენტრისა და გაეროს განვითარების პროგრამის (UNDP) მიერ, 2013 წლის 27 მაისს გამოცხადებული ერთობლივი საგრანტო კონკურსის საფუძველზე, საკონკურსო კომისიის გადაწყვეტილებით გამოვლინდა  8 გამარჯვებული არასამთავრობო ორგანიზაცია, რომლებიც წინასაარჩევნო პერიოდში განახორციელებენ პროექტებს „საზოგადოების ინფორმირების კამპანია 2013 წლის საპრეზიდენტო არჩევნებისათვის’’, რაც მიზნად ისახავს ამომრჩეველთა ინფორმირებულობის უზრუნველყოფას საარჩევნო საკითხებზე, ამომრჩევლების მოტივაციის ამაღლებას, სამოქალაქო პასუხისმგებლობის გაზრდას და არჩევნებში მათი გააქტიურების ხელშეწყობას.

პროექტების ეფექტურად განხორციელების ხელშეწყობის მიზნით, 12 ივლისს, სწავლების ცენტრში გაიმართა საინფორმაციო ხასიათის  შეხვედრა. შეხვედრის ფორმატში სწავლების ცენტრისა და გაეროს განვითარების პროგრამის (UNDP) ტრენერებმა მონაწილეებს გააცნეს შემდეგი საკითხები:

• არჩევნები და არჩევნებში მონაწილეობის მნიშვნელობა;
• არჩევნების ისტორია საქართველოში და არჩევნების საკანონმდებლო რეგულიაცია;
• არჩევნებში ჩართული მხარეები და კენჭისყრის პროცესი;
• სამოქალაქო განათლებისა და ამომრჩეველთა ინფორმირებულობის ასპექტები.