საქართველოს საარჩევნო ადმინისტრაცია საქართველოს პარლამენტის არჩევნებისთვის ყველა ეტაპზე და ყველა საშუალებით უზრუნველყოფს ამომრჩევლების ინფორმირებას. ეფექტიანი და მყისიერი კომუნიკაციის პლატფორმის ფარგლებში, მოქალაქეებს უწყვეტ რეჟიმში ცესკოს კონტაქტ-ჰაბი ემსახურება. მანდატის მნიშვნელობიდან გამომდინარე, სისტემატურად ხორციელდება ოპერატორების პროფილური გადამზადება.

14 სექტემბერს, სწავლების ცენტრმა ცესკოს კონტაქტ-ჰაბის წარმომადგენლებთან მორიგი საინფორმაციო-სასწავლო ხასიათის შეხვედრა ჩაატარა, რომლის ფარგლებში მონაწილეებმა დამატებით გაიარეს ინსტრუქტაჟი საარჩევნო ტექნოლოგიურ სიახლეებზე და მიიღეს დეტალური ინფორმაცია კენჭისყრაში მონაწილეობის უზრუნველსაყოფად ამომრჩევლებისთვის დანერგილ საარჩევნო სერვისებზე. ყურადღება გამახვილდა, მათ შორის, შემდეგ მნიშვნელოვან საკითხებზე:

• ამომრჩეველთა ერთიან სიაში ცვლილების შეტანის ხელშეწყობის სერვისი;
• გადასატანი საარჩევნო ყუთის სიაში ამომრჩევლის შეყვანის სერვისი;  
• ეტლით მოსარგებლე ამომრჩევლის კენჭისყრაში მონაწილეობის ხელშეწყობის სერვისი.

არჩევნებისთვის მოსამზადებელი ფაზის ფარგლებში, ცესკოს კონტაქტ-ჰაბის ოპერატორები თემატურ საკითხებზე ეტაპობრივად გადამზადდებიან.