საარჩევნო სისტემების განვითარების, რეფორმებისა და სწავლების ცენტრის (სწავლების ცენტრი) დირექტორი ნათია ზაალიშვილი და სწავლების ცენტრის საფინანსო სამსახურის უფროსი ლალი პერტია, 2024 წლის 7-9 მაისს, ოფიციალური ვიზიტით მაკედონიის რესპუბლიკაში იმყოფებოდნენ. დელეგაცია ჩრდილოეთ მაკედონიის რესპუბლიკის ასამბლეის წევრთა არჩევნებსა და პრეზიდენტის არჩევნების მეორე ტურს დააკვირდნენ.
ოფიციალური ვიზიტის ფარგლებში სწავლების ცენტრის წარმომადგენლები მაკედონიის რესპუბლიკის საარჩევნო კომისიის თავმჯდომარეს ალექსანდარ დაშტევსკის შეხვდნენ, საერთაშორისო დამკვირვებლებისთვის ორგანიზებულ ბრიფინგს დაესწრნენ და არჩევნების დღეს საარჩევნო უბნებზე კენჭისყრის მიმდინარეობას გაუწიეს მონიტორინგი.
არჩევნები მაკედონიის რესპუბლიკაში 2024 წლის 8 მაისს ჩატარდა. სწავლების ცენტრის დირექტორმა და სტრუქტურული ერთეულის ხელმძღვანელმა საერთაშორისო სადამკვირვებლო მისიაში მონაწილეობა ჩრდილოეთ მაკედონიის რესპუბლიკის საარჩევნო კომისიის ოფიციალური მოწვევით მიიღეს.
