სსიპ საარჩევნო სისტემების განვითარების, რეფორმებისა და სწავლების ცენტრის (სწავლების ცენტრი) მიერ შემუშავებული ტრენინგების კონცეფციის შესაბამისად, 2023 წლის 1 ოქტომბრის შუალედური და რიგგარეშე არჩევნებისთვის საარჩევნო კომისიების წევრებმა ინტენსიური გადამზადება გაიარეს.
საარჩევნო უბნებზე კენჭისყრის პროცედურული სპეციფიკების გათვალისწინებით, სწავლების ცენტრის მიერ შემუშავებული პროფილური სასწავლო პროგრამის მიხედვით:
სატრენინგო პროგრამის ფარგლებში საუბნო საარჩევნო კომისიების წევრები დეტალურად გაეცნენ კენჭისყრის პროცესში ამომრჩევლებისთვის განსახორციელებელი სერვისის პრაქტიკულ ასპექტებს. ყურადღება გამახვილდა საარჩევნო კომისიების ხელმძღვანელი პირების კომპეტენციას მიკუთვნებულ საკითხებზე და კომისიის სხვა წევრების მიერ კენჭისყრის პროცესში ფუნქციების შესრულების ტექნიკაზე. სასწავლო პროგრამა მათ შორის მოიცავდა კენჭისყრის შედეგების შემაჯამებელი ოქმის შედგენაზე პრაქტიკული უნარების განვითარების კომპონენტს.
საარჩევნო კომისიებისთვის, სადაც კენჭისყრა ელექტრონული ტექნოლოგიების გამოყენებით წარიმართება, სატრენინგო პროგრამა ყველა ეტაპზე ითვალისწინებდა ამომრჩეველთა ვერიფიკაციის აპარატებისა და ხმის დათვლის სპეციალური ელექტრონული აპარატების მუშაობის მოდელირებას და კომისიის წევრთა სინქრონულ სწავლებას. კენჭისყრის პროცესში ინტეგრირებულ სიახლეებზე ელექტორატის ინფორმირების მაღალი მნიშვნელობიდან გამომდინარე, აღნიშნულ საარჩევნო უბნებზე, კომისიების წევრებმა მიიღეს ინსტრუქტაჟი რეგისტრატორის ფუნქციის შესრულებისას ამომრჩევლებთან განსახორციელებელი კომუნიკაციის თაობაზე და ხმის მიცემის პროცედურულ სიახლეებზე ამომრჩევლებისთვის მისაცემი განმარტებების შესახებ.
სწავლების ცენტრის მიერ გადამზადებულმა 40 ტრენერმა ჯამურად უზრუნველყო 387 სატრენინგო სესიის ჩატარება, მათ შორის:
ტრენინგებზე საუბნო საარჩევნო კომისიების წევრთა დასწრების მონაცემების მიხედვით სტატისტიკა წარმოდგენილია ბმულებზე:
სწავლების ცენტრმა N12 გურჯაანის, N30 კასპის და N32 გორის საოლქო საარჩევნო კომისიების წევრებს, რომლის სამოქმედო ტერიტორიაზე იმართება შუალედური/რიგგარეშე არჩევნები, დეტალური ინსტრუქტაჟი ჩაუტარა საოლქო საარჩევნო კომისიის მანდატის ფარგლებში განსახორციელებელი საქმიანობების და კენჭისყრის პროცესში გამოსაყენებელი ელექტრონული აპარატების ფუნქციონირების საკითხებზე.
კენჭისყრის პროცედურებზე ამომრჩევლების და ჩართული მხარეების ინფორმირების უზრუნველსაყოფად, ასევე, საოლქო/საუბნო საარჩევნო კომისიების წევრების მიერ საქმიანობის ეფექტიანად წარმართვის ხელშეწყობის მიზნებისთვის, სწავლების ცენტრმა, ცესკოსთან თანამშრომლობით, შეიმუშავა სხვადასხვა სახის საინფორმაციო-სასწავლო მასალა, რომელიც ხელმისაწვდომია ბმულზე.
კენჭისყრის პროცესში ელექტრონული ტექნოლოგიების ინტეგრირება კომპლექსური პროცესია. საარჩევნო ადმინისტრაციისა და სწავლების ცენტრის მიერ განხორციელებული საინფორმაციო-სასწავლო ღონისძიებები მიზნად ისახავს ამომრჩევლების ქცევის ტრანსფორმირების ხელშეწყობას, ჩართული მხარეების საარჩევნო ცნობიერების ამაღლებას და საარჩევნო სერვისის მიმწოდებელი ადმინისტრატორების პროფესიული უნარების განვითარებას.
