სსიპ საარჩევნო სისტემების განვითარების, რეფორმებისა და სწავლების ცენტრის (სწავლების ცენტრი) მიერ შემუშავებული ტრენინგების კონცეფციის შესაბამისად, 2023 წლის 29 აპრილის შუალედური და რიგგარეშე არჩევნებისთვის საარჩევნო კომისიების წევრებმა ინტენსიური გადამზადება გაიარეს.
საარჩევნო უბნებზე კენჭისყრის პროცედურული სპეციფიკების გათვალისწინებით, სწავლების ცენტრის მიერ შემუშავებული პროფილური სასწავლო პროგრამის მიხედვით:
სატრენინგო პროგრამის ფარგლებში საუბნო საარჩევნო კომისიების წევრები დეტალურად გაეცნენ კენჭისყრის პროცესში ამომრჩევლებისთვის განსახორციელებელი სერვისის პრაქტიკულ ასპექტებს. ყურადღება გამახვილდა საარჩევნო კომისიების ხელმძღვანელი პირების კომპეტენციას მიკუთვნებულ საკითხებზე და კომისიის სხვა წევრების მიერ კენჭისყრის პროცესში ფუნქციების შესრულების ტექნიკაზე. სასწავლო პროგრამა მათ შორის მოიცავდა კენჭისყრის შედეგების შემაჯამებელი ოქმის შედგენაზე პრაქტიკული უნარების განვითარების კომპონენტს.
სიახლეების ნაწილში აღსანიშნავია, რომ საარჩევნო კომისიებისთვის, სადაც კენჭისყრა ელექტრონული ტექნოლოგიების გამოყენებით წარიმართება, სატრენინგო პროგრამა ყველა ეტაპზე ითვალისწინებდა ამომრჩეველთა ვერიფიკაციის აპარატებისა და ხმის დათვლის სპეციალური ელექტრონული აპარატების მუშაობის მოდელირებას და კომისიის წევრთა სინქრონულ სწავლებას.
სწავლების ცენტრის მიერ გადამზადებულმა 65 ტრენერმა ჯამურად უზრუნველყო 284 სატრენინგო სესიის ჩატარება, მათ შორის:
ტრენინგებზე საუბნო საარჩევნო კომისიების წევრთა დასწრების მონაცემების მიხედვით სტატისტიკა წარმოდგენილია ბმულებზე:
18-22 აპრილის პერიოდში, სწავლების ცენტრმა 10-ვე საოლქო საარჩევნო კომისიის წევრებს, რომლის სამოქმედო ტერიტორიაზე იმართება შუალედური/რიგგარეშე არჩევნები, დეტალური ინსტრუქტაჟი ჩაუტარა საოლქო საარჩევნო კომისიის მანდატის ფარგლებში განსახორციელებელი საქმიანობებისა და კენჭისყრის პროცესში გამოსაყენებელი ელექტრონული აპარატების ფუნქციონირების წესზე. ტექნოლოგიურ სიახლეებზე ინფორმირების კამპანიის ფარგლებში, აღსანიშნავია, რომ სწავლების ცენტრმა საინფორმაციო შეხვედრები ასევე გამართა 63 საოლქო საარჩევნო კომისიის წევრებთან (27 მარტი-7 აპრილი).
კენჭისყრის პროცედურებზე ამომრჩევლების და ჩართული მხარეების ინფორმირების უზრუნველსაყოფად, ასევე, საოლქო/საუბნო საარჩევნო კომისიების წევრების მიერ საქმიანობის ეფექტიანად წარმართვის ხელშეწყობის მიზნებისთვის, სწავლების ცენტრმა, ცესკოსთან თანამშრომლობით, შეიმუშავა სხვადასხვა სახის საინფორმაციო-სასწავლო მასალა, რომელიც ხელმისაწვდომია ბმულზე.
კენჭისყრის პროცესში ელექტრონული ტექნოლოგიების ინტეგრირება კომპლექსური პროცესია. საარჩევნო ადმინისტრაციისა და სწავლების ცენტრის მიერ განხორციელებული საინფორმაციო-სასწავლო ღონისძიებები მიზნად ისახავს ამომრჩევლების ქცევის ტრანსფორმირების ხელშეწყობას, ჩართული მხარეების საარჩევნო ცნობიერების ამაღლებას და საარჩევნო სერვისის მიმწოდებელი ადმინისტრატორების პროფესიული უნარების განვითარებას.
