სსიპ საარჩევნო სისტემების განვითარების, რეფორმებისა და სწავლების ცენტრი (სწავლების ცენტრი) სპეციალური პენიტენციური სამსახურის პენიტენციურ დაწესებულებებში მყოფი ამომრჩევლების მუნიციპალიტეტის საკრებულოს 2023 წლის 29 აპრილის შუალედურ არჩევნებში მონაწილეობის უზრუნველყოფისა და მათი საყოველთაო საარჩევნო უფლების რეალიზების მიზნით, ახორციელებს საინფორმაციო - სასწავლო პროგრამას პენიტენციურ დაწესებულებებში შექმნილი საუბნო საარჩევნო კომისიის წევრებისთვის.

სწავლების ცენტრის მიერ შემუშავებული ტრენინგების კონცეფციის შესაბამისად, გადამზადებას გაივლის საუბნო საარჩევნო კომისიის სრული შემადგენლობა. მონაწილეები მიიღებენ ინფორმაციას მათ კომპეტენციას მიკუთვნებულ  შემდეგ ძირითად საკითხებზე:

• საარჩევნო უბნის გახსნიდან კენჭისყრის დაწყებამდე პერიოდში საუბნო საარჩევნო კომისიის თავმჯდომარის საორგანიზაციო უფლებამოსილებები;
• კენჭისყრის დღეს საუბნო საარჩევნო კომისიის წევრებს შორის გასანაწილებელი ფუნქციები და მათი შესრულების ტექნიკა (მათ, შორის შეზღუდული შესაძლებლობის მქონე ამომრჩევლებისთვის სერვისის განხორციელება, გასათვალისწინებელი საუბრის ეტიკეტი და ქცევის ნორმები);
• საარჩევნო უბნის დახურვა და კომისიის თავმჯდომარის საორგანიზაციო უფლებამოსილებები ხმის დათვლის პროცედურისთვის მზადების მიმართულებით;
• ხმების დათვლის პროცესის მიზნით საუბნო საარჩევნო კომისიის წევრებს შორის გასანაწილებელი ფუნქციები და მათი შესრულების ტექნიკა;
• კენჭისყრის შედეგების შემაჯამებელი ოქმის შედგენა.

ტრენინგი პრაქტიკულ სწავლებაზე დაფუძნებით წარიმართება, გათვალისწინებულია სხვადასხვა თემატური სავარჯიშოების შესრულება.

სწავლების ცენტრის მიერ გადამზადებული ტრენერი ტრენინგს 2023 წლის 25 აპრილს ჩაატარებს. გრაფიკი ხელმისაწვდომია ბმულზე. მასში ცვლილებების განხორციელების შემთხვევაში, ინფორმაცია აისახება დაუყოვნებლივ.