ცენტრალური საარჩევნო კომისიის (ცესკო) და საარჩევნო სისტემების განვითარების, რეფორმებისა და სწავლების ცენტრის (სწავლების ცენტრი) თანამშრომლებმა სახანძრო უსაფრთხოებისა და ევაკუაციის საკითხებზე ტრენინგი გაიარეს. ტრენინგის მონაწილეები გაეცნენ ინფორმაციას სახანძრო უსაფრთხოების დაცვის მიზნით პრევენციული ღონისძიებების, ხანძრის ჩაქრობის სხვადასხვა მეთოდის, ევაკუაციის დროს განსახორციელებელი ღონისძიებებისა და სხვა მნიშვნელოვანი საკითხების შესახებ.
სახანძრო უსაფრთხოებისა და ევაკუაციის ღონისძიებების აუცილებელი ინსტრუქციებისა და პროცედურების შესწავლის მიზნით ტრენინგი 13 - 24 მარტის შუალედში ცესკოსა და სწავლების ცენტრის ყველა თანამშრომელმა გაიარა. მომდევნო ეტაპზე კი ტრენინგი საოლქო საარჩევნო კომისიების წარმომადგენლებს ჩაუტარდებათ. ამ მიმართულებით თანამშრომლებისთვის შესაბამისი სწავლებებისა და ინსტრუქტაჟის ჩატარება „შრომის უსაფრთხოების შესახებ“ საქართველოს ორგანული კანონით არის განსაზღვრული.
აღსანიშნავია, რომ თანამშრომლებისათვის უსაფრთხო და ჯანსაღი სამუშაო გარემოს შექმნა საარჩევნო ადმინისტრაციის საქმიანობის ერთ-ერთი პრიორიტეტია.
