საქართველოს ცენტრალური საარჩევნო კომისიის ეგიდით, გაეროს განვითარების პროგრამის (UNDP) პროექტის - "სანდო და მდგრადი საარჩევნო ინსტიტუტების და პროცესების გაძლიერება" ფარგლებში საარჩევნო სისტემების განვითარების, რეფორმებისა და სწავლების ცენტრმა 2013 წლის 7 - 8 მარტს, დაბა ბაზალეთში ჩაატარა ტრენერთა ტრენინგი, რომლის ფარგლებშიც მომზადდა 8 ტრენერი.

ცენტრის მიერ მომზადებული ტრენერები უზრუნველყოფენ N9 ნაძალადევის, N52 ბაღდათის და N54 სამტრედიის საარჩევნო ოლქებში შემავალი საუბნო საარჩევნო კომისიების წევრთა სწავლებას საქართველოს საარჩევნო კანონმდებლობასთან დაკავშირებით, შემდეგ საკითხებზე: 

• საუბნო საარჩევნო კომისიის შემადგენლობა და მუშაობის წესი
• საუბნო საარჩევნო კომისიის საქმიანობა წინასაარჩევნო პერიოდში
• საუბნო საარჩევნო კომისიის საქმიანობა კენჭისყრის დღეს (მათ შორის, კენჭისყრის დღის ინსცენირება და კენჭისყრის შედეგების შემაჯამებელი ოქმის შევსება)
• განცხადება/საჩივრები