ენტრალურ საარჩევნო კომისიაში (ცესკო) შეზღუდული შესაძლებლობის მქონე პირთა საკითხებზე მომუშავე ჯგუფის შეხვედრა გაიმართა. შეხვედრაზე, რომელიც ცესკოს თავმჯდომარე გიორგი კალანდარიშვილმა გახსნა მხარდაჭერის მიმღები პირებისთვის საარჩევნო დოკუმენტაციისა და საინფორმაციო მასალების მისაწვდომობის მნიშვნელობაზე იმსჯელეს.

ცესკოს თავმჯდომარემ შეხვედრის მონაწილეებს მიმდინარე საარჩევნო რეფორმაზე და ამ კუთხით დაგეგმილ სიახლეებზეც მიაწოდა ინფორმაცია. გიორგი კალანდარიშვილის განცხადებით, საარჩევნო ადმინისტრაცია ორიენტირებულია იმაზე, რომ უზრუნველყოს ყველა ამომრჩევლისთვის თანაბარი პირობების და შესაფერისი საარჩევნო გარემოს შექმნა.

ცესკოს კოორდინაციის, დაგეგმვისა და ანგარიშგების დეპარტამენტის უფროსმა, შეზღუდული შესაძლებლობის მქონე პირთა საკითხებზე მომუშავე ჯგუფის ხელმძღვანელმა, სოფიო სიჭინავამ კი ჯგუფის წევრებს დეტალური ინფორმაცია მიაწოდა საარჩევნო ადმინისტრაციის მიერ მიმდინარე წელს განხორციელებული საქმიანობისა და სწავლების ცენტრის სასწავლო-საინფორმაციო პროგრამების შესახებ.

შეზღუდული შესაძლებლობის მქონე პირთა საკითხებზე მომუშავე ჯგუფის  სამუშაო შეხვედრა, 7 ოქტომბერს ცესკოში გაიმართა.