ცენტრალური საარჩევნო კომისია (ცესკო) ამომრჩეველთა ინფორმირების მიზნით ინოვაციურ-ტექნოლოგიური პროექტების იდეათა კონკურსს აცხადებს.
კონკურსში მონაწილეობის მიღება შეუძლიათ საქართველოს 18-35 წლის მოქალაქეებს. აპლიკანტის მიერ წარმოდგენილი იდეა უნდა აკმაყოფილებდეს შემდეგ მოთხოვნებს:
კონკურსში მონაწილეობის მსურველებმა 2022 წლის 19 სექტემბრიდან 30 სექტემბრის ჩათვლით, ელექტრონული ფოსტის მისამართზე - ideatakonkursi@cec.gov.ge უნდა გამოგზავნონ სამოტივაციო წერილი (არაუმეტეს 500 სიტყვა, რომელშიც უნდა იყოს მითითებული სამომავლო იდეა, მისი არსი, მისი ზემოხსენებულ მოთხოვნებთან შესაბამისობის აღწერა და მოსალოდნელი შედეგები, იდეის განხორციელებისთვის საჭირო სავარაუდო ბიუჯეტი, ამასთან, მოკლედ უნდა იყოს აღწერილი კონკურსანტის უნარები/შესაძლებლობები, რომელიც ხელს შეუწყობს მის ეფექტიან ჩართულობას სამუშაო ჯგუფში) და Curriculum Vitae (CV).
კონკურსის პირველ ეტაპზე კონკურსანტები წარმოდგენილი განაცხადების საფუძველზე შეირჩევიან. მეორე ეტაპზე კი შერჩეული კონკურსანტებით დაკომპლექტდება სამუშაო ჯგუფები, სადაც სამუშაო ფორმატში განხორციელდება იდეების შეჯერება და ფორმირება, რის შემდეგაც გამოვლინდება გამარჯვებული პირი/ჯგუფი. იდეათა კონკურსი ასევე ითვალისწინებს შეზღუდული შესაძლებლობების მქონე პირების, ეთნიკური უმცირესობებისა და საინფორმაციო ტექნოლოგიების (IT) სფეროს წარმომადგენლების კონკურსში მონაწილეობას.
იდეათა კონკურსში გამარჯვებულ პირს/ჯგუფს საჩუქრად გადაეცემა ფულადი ჯილდო და ფასიანი საჩუქარი.
კონკურსის მიმდინარეობისას საარჩევნო ადმინისტრაცია იხელმძღვანელებს საჯაროობის, ობიექტურობის, სამართლიანობის, გამჭვირვალობის, თანასწორობისა და კორექტულობის პრინციპების გათვალისწინებით.
ცენტრალური საარჩევნო კომისია ინოვაციურ-ტექნოლოგიური პროექტების შესახებ იდეათა კონკურსს საარჩევნო სისტემების საერთაშორისო ფონდის (IFES) მხარდაჭერით და აშშ-ს საერთაშორისო განვითარების სააგენტოს (USAID) მეშვეობით ახორციელებს.
დამატებითი ინფორმაციის საჭიროების შემთხვევაში დაგვიკავშირდით: 2 51 00 51.
