საარჩევნო ადმინისტრაციის წარმომადგენლებმა დღეს სისხლის ჩაბარების აქციაში მიიღეს მონაწილეობა. გულის მანკით დაავადებული ბავშვების დახმარების მიზნით, ცესკოს თავმჯდომარემ და მისმა მოადგილემ გიორგი სიორიძემ, ასევე ცესკოს აპარატის, სწავლების ცენტრისა და საოლქო საარჩევნო კომისიების წარმომადგენლებმა სისხლი უანგაროდ გაიღეს. სისხლის დონაციის აქცია „ჯო ენის სამედიცინო ცენტრთან“ თანამშრომლობით გაიმართა.
საარჩევნო ადმინისტრაციის თანამშრომლები სისხლის დონაციის აქციაში პერიოდულად მონაწილეობენ და ამ გზით სისხლის ბანკის მარაგის შევსებას უწყობენ ხელს.
