მიმდინარე წლის 17 დეკემბერს საპარლამენტო სწავლებების საერთაშორისო ცენტრს (ICPS), საქართველოს ცენტრალურ საარჩევნო კომისიასა და საარჩევნო სისტემების განვითარების, რეფორმებისა და სწავლების ცენტრს შორის ურთიერთგაგების მემორანდუმი გაფორმდა.

საპარლამენტო სწავლებების საერთაშორისო ცენტრის (ICPS) მიზანია ეფექტური მმართველობის გაუმჯობესების უზრუნველყოფა საპარლამენტო, სამთავრობო და სხვა დაინტერესებულ ინსტიტუციებს, მხარეებს შორის თანამშრომლობის განვითარების ხელშეწყობის გზით. ამ მიმართულებით ICPS-ი უზრუნველყოფს საერთაშორისო დონეზე ევროკავშირსა და დიდ ბრიტანეთში შესაბამისი სასწავლო პროგრამების, კონფერენციებისა და საჯარო დისკუსიების მოწყობას საუკეთესო პრაქტიკის გაზიარების მიზნით.

გაფორმებული მემორანდუმი ითვალისწინებს რეგიონის მასშტაბით დემოკრატიის განვითარების უზრუნველსაყოფად მხარეთა თანამშრომლობას სხვადასხვა ხასიათის ერთობლივი პროექტების განსახორციელებლად, მათ შორის: ერთობლივი კვლევები, ერთობლივი საერთაშორისო და სადამკვირვებლო მისიები, სასწავლო ტურები, ასევე საკონსულტაციო მომსახურების გაწევა საარჩევნო სფეროში.

თანამშრომლობის ფარგლები მოიცავს ICPS-ის მიერ ტრენინგ პროგრამების შემუშავებას როგორც საარჩევნო საკითხებზე, ასევე დაინტერესებული მხარეების მიერ შემოთავაზებულ სხვა თემატიკაზე. რეგიონული მასშტაბის სწავლებების უზრუნველყოფა მოხდება საარჩევნო სისტემების განვითარების, რეფორმებისა და სწავლების ცენტრის მეშვეობით.