არჩევნების საერთაშორისო დღესთან დაკავშირებით ცენტრალური საარჩევნო კომისიის (ცესკო) თავმჯდომარე გიორგი კალანდარიშვილმა მრავალწლიანი მუშაობისთვის თანამშრომლებს მადლობა გადაუხადა.
„ჩვენ ვაფასებთ თქვენს მრავალწლიან საქმიანობას ცესკოში და საარჩევნო ადმინისტრაციის სახელით მადლობას გიხდით ამ წლების განმავლობაში გაწეული საქმისთვის. ჩვენ ერთად ჩავატარეთ არაერთი არჩევნები და მცირე თუ დიდი წვლილი შევიტანეთ საარჩევნო პროცესის განვითარებაში. თქვენი ინსტიტუციური მეხსიერება და გამოცდილება მნიშვნელოვანია ადმინისტრაციის შემდგომი განვითარებისთვის“, აღნიშნა კალანდარიშვილმა თანამშრომლებთან საუბრისას.
გიორგი კალანდარიშვილმა საარჩევნო ადმინისტრაციაში გაწეული სამსახურისთვის იმ 13 თანამშრომელს გადაუხადა მადლობა, რომლებიც ცესკოში 20 წელზე მეტია მუშაობენ.
