სპეციალური პენიტენციური სამსახურის პენიტენციურ დაწესებულებებში მყოფი ამომრჩევლების მუნიციპალიტეტის ორგანოთა 2021 წლის 2 ოქტომბრის არჩევნების მეორე ტურში მონაწილეობის უზრუნველყოფის მიზნით შექმნილი 8 საარჩევნო უბნის სპეციალური ჯგუფის  წევრები (სრული შემადგენლობით), 20 ოქტომბერს, გაივლიან სწავლების ცენტრის მიერ მომზადებულ სატრენინგო პროგრამას.

მონაწილეები მიიღებენ ინფორმაციას მათ კომპეტენციას მიკუთვნებულ შემდეგ ძირითად საკითხებზე:

• პენიტენციურ დაწესებულებაში შექმნილი საარჩევნო უბნის სპეციალური ჯგუფის წევრების, დამკვირვებლების, საარჩევნო სუბიექტების, მედია საშუალებების წარმომადგენლების მიერ სავალდებულო კარანტინის გავლის და კენჭისყრის შენობაში დაშვების წესი;
• საარჩევნო უბნის გახსნა და კენჭიყრის დაწყებამდე ჩასატარებელი პროცედურები;
• კენჭისყრის პროცესი ეპიდემიოლოგიური პროტოკოლის გათვალისწინებით;
• საარჩევნო უბნის დახურვა, ხმების დათვლამდე ჩასატარებელი პროცედურები;
• საარჩევნო ყუთების გახსნა და საარჩევნო ბიულეტენების დათვლის პროცესი;
• კენჭისყრის შედეგების შემაჯამებელი ოქმების შედგენის ტექნიკა.

ტრენინგი პრაქტიკულ სწავლებაზე დაფუძნებით წარიმართება, გათვალისწინებულია სხვადასხვა თემატური სავარჯიშოების შესრულება.

სასწავლო პროგრამის ჩატარებას უზრუნველყოფს სწავლების ცენტრის მიერ გადამზადებული 6 ტრენერი. პროცესი პანდემიასთან დაკავშირებული ყველა რეკომენდაციის დაცვით წარიმართება. გრაფიკი ხელმისაწვდომია ბმულზე.