ცესკოს სწავლების ცენტრი, სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების მუნიციპალიტეტის ორგანოთა 2021 წლის 2 ოქტომბრის არჩევნებში მონაწილეობის უზრუნველყოფისა და მათი საყოველთაო საარჩევნო უფლების რეალიზების მიზნით შექმნილი სპეციალური ჯგუფების წევრებისთვის  ახორციელებს საინფორმაციო - სასწავლო კურსს.

ტრენინგების კონცეფციის შესაბამისად, გადამზადებას გაივლის სპეციალური ჯგუფების სრული შემადგენლობა. მონაწილეები მიიღებენ ინფორმაციას მათ კომპეტენციას მიკუთვნებულ შემდეგ ძირითად საკითხებზე:

• სპეციალური ჯგუფის პირევლი სხდომა და გადასატანი საარჩევნო ყუთის წამღები კომისიის 2-2 წევრის წილისყრით გამოვლენის პროცედურა;
• კენჭისყრის დღისთვის ახალი კორონავირუსით გამოწვეული ინფექციის (COVID-19) გავრცელების პრევენციული ღონისძიებები;
• უბნის გახსნა - სპეცჯგუფის განთავსების შენობაში ყოფნის უფლების მქონე პირები და მათი უფლებრივი მდგომარეობა;
• გადასატანი საარჩევნო ყუთის მეშვეობით კენჭისყრის პროცედურა;
• საარჩევნო ყუთების გახსნამდე ჩასატარებელი პროცედურები;
• გადასატანი საარჩევნო ყუთის გახსნა;
• საარჩევნო ბიულეტენების დახარისხება/დათვლა/დალუქვა;
• შემაჯამებელი ოქმის შედგენა;
• კენჭისყრის დღის განცხადებების/საჩივრების წარდგენა/რეაგირება.

ტრენინგი პრაქტიკულ სწავლებაზე დაფუძნებით წარიმართება, გათვალისწინებულია სხვადასხვა თემატური სავარჯიშოს შესრულება.

ტრენინგების ჩატარებას უზრუნველყოფს სწავლების ცენტრის მიერ გადამზადებული 73 ტრენერი (საოლქო საარჩევნო კომისიების წევრები, რომლებიც ტრენერების სტატუსით ერთვებიან პროექტში). სწავლება პანდემიასთან დაკავშირებული ყველა რეკომენდაციის დაცვით წარიმართება. გრაფიკი ხელმისაწვდომია ბმულზე. მასში ცვლილებების განხორციელების შემთხვევაში, ინფორმაცია აისახება დაუყოვნებლივ.