ცენტრალური საარჩევნო კომისიისა (ცესკო) და ევროსაბჭოს ორგანიზებით სამუშაო შეხვედრა გაიმართა თემაზე - „მეტი ქალი (თვით) მმართველობაში და ბარიერები, რომლებსაც ქალი კანდიდატები აწყდებიან - ადგილობრივი თვითმმართველობის ორგანოების არჩევნების პრიზმიდან“.
შეხვედრა საქართველოს ცენტრალური საარჩევნო კომისიის თავმჯდომარის მოვალეობის შემსრულებელმა გიორგი შარაბიძემ და ევროპის საბჭოს არჩევნებისა და სამოქალაქო საზოგადოების განყოფილების ხელმძღვანელის მოადგილე ფრანკ დეშლერმა გახსნეს.
ცესკოს იურიდიული დეპარტამენტის ხელმძღვანელმა გიორგი სანტურიანმა შეხვედრის მონაწილეებს პრეზენტაცია „საკანონმდებლო სიახლეები და გენდერული კვოტები“ წარუდგინა,
ცესკოს გენდერული თანასწორობის საბჭოს მდივანმა ქრისტინა თოლორდავამ კი ცესკოს გენდერული თანასწორობის პოლიტიკის, სტატისტიკის, სწავლების ცენტრის სასწავლო პროგრამებისა და სხვა აქტივობების შესახებ ისაუბრა.
სამუშაო შეხვედრა დისტანციურად, გაიმართა და მასში ცესკოსა და სწავლების ცენტრის ხელმძღვანელი პირები, ევროპის საბჭოს, საქართველოს პარლამენტის, პოლიტიკური პარტიებისა და ადგილობრივი ორგანიზაციების წარმომადგენლები მონაწილეობდნენ.
