ცენტრალური საარჩევნო კომისიისა და სწავლების ცენტრის წარმომადგელები საოლქო საარჩევნო კომისიების ხელმძღვანელი პირებისთვის ტრენინგებს ატარებენ. სწავლება 3 ეტაპად, 12-დან 28 ივლისის ჩათვლით ხორციელდება და მონაწილეები განახლებულ ინფორმაციას იღებენ ისეთ მნიშვნელოვან საკითხებზე, როგორებიცაა: არჩევნების მართვის ელექტრონული სისტემა, ფინანსური აღრიცხვა/ანგარიშგება, სამართლებრივი წერა, საჩივრების რეესტრის ელექტრონული პროგრამა და საქმისწარმოების ელექტრონული სისტემის ე.წ. ,,E Document"-ის პროგრამა. სწავლების ფარგლებში, მონაწილეები ასევე გაიღრმავებენ ცოდნას საკანონმდებლო ცვლილებებთან და საარჩევნო დავებთან დაკავშირებით.

საერთო ჯამში სწავლებას საოლქო საარჩევნო კომისიების 150-მდე ხელმძღვანელი პირი გაივლის.