ცენტრალურ საარჩევნო კომისიაში (ცესკო) საოლქო საარჩევნო კომისიების ხელმძღვანელი პირებისთვის სამუშაო შეხვედრები მიმდინარეობს.

საარჩევნო კომისიების ხელმძღვანელი პირები (კომისიის თავმჯდომარე, თავმჯდომარის მოადგილე, კომისიის მდივანი) შემდეგ საკითხებს ეცნობიან: საკანონმდებლო სიახლეები, საოლქო საარჩევნო კომისიების მიერ საჯარო ინფორმაციის გაცემის წესი, საინფორმაციო კურსი „საოლქო საარჩევნო კომისიის წევრთა ქცევის ზოგადი წესებისა და პროფესიული ეთიკის შესახებ“, საარჩევნო სარეგისტრაციო პროცედურები და რეგისტრაციები, საოლქო და საუბნო საარჩევნო კომისიების ლოგისტიკა და სხვ.

შეხვედრებს, რომელიც 15-29 ივნისს იმართება, ცესკოს სტრუქტურული ერთეულების ხელმძღვანელები და საარჩევნო სისტემების განვითარების, რეფორმებისა და სწავლების ცენტრის ტრენერები უძღვებიან.