საქართველოს საარჩევნო ადმინისტრაციის 2021 წლის სამოქმედო გეგმის შესაბამისად, ცესკომ და სწავლების ცენტრმა, საარჩევნო სისტემების საერთაშორისო ფონდთან (IFES) პარტნიორობით, საოლქო საარჩევნო კომისიების წევრებისთვის საინფორმაციო-სასწავლო კურსი „კიბერუსაფრთხოება და კიბერ-ჰიგიენა“ განახორციელა.

პროგრამა საქართველოს საარჩევნო ადმინისტრაციის ინფორმაციული უსაფრთხოების პოლიტიკას ეხმიანება და კიბერ საფრთხეების პრევენციის მიზნით საარჩევნო ადმინისტრაციის შესაძლებლობების გაძლიერების ხელშეწყობას ითვალისწინებს. მონაწილეები სასწავლო კურსის ფარგლებში კიბერუსაფრთხოების კონტროლის მექანიზმებსა და კიბერ-ჰიგიენის ძირითად გაიდლაინებს გაეცნენ.

სწავლება მიმდინარე წლის 1 მარტიდან 12 მარტის ჩათვლით პერიოდში ონლაინ ფორმატში განხორციელდა და მასში მონაწილეობა 76 საოლქო საარჩევნო კომისიის 370-მა წევრმა (ქალი - 221; კაცი -149) მიიღო.