საქართველოს ცენტრალური საარჩევნო კომისიის ეგიდით საარჩევნო სისტემების განვითარების, რეფორმებისა და სწავლების ცენტრმა სამოქალაქო განვითარების ინსტიტუტის მიერ ინიცირებული პროექტის ფარგლებში - „მოქალაქე ჟურნალისტები თავისუფალი და სამართლიანი არჩევნებისთვის“ 2012 წლის 30 აგვისტოს ტრენინგი ჩაუტარა ჟურნალისტებს.
სწავლების ცენტრის წარმომადგენლებმა მონაწილეებს გააცნეს საქართველოში არჩევნების საკანონმდებლო ჩარჩო, დეტალურად მიმოიხილეს არჩევნების ძირითადი პრინციპები და მედიის უფლებრივი მდგომარეობა საარჩევნო პროცესებში. განსაკუთრებული ყურადღება გამახვილდა კენიჭისყრის დღის პროცედურებზე.
მონაწილეებს გადაეცათ სწავლების ცენტრის მიერ მომზადებული მედიის დამხმარე სახელმძღვანელოები.
