ცენტრალური საარჩევნო კომისიის (ცესკო) და ცესკოს სწავლების ცენტრის წარმომადგენლებისთვის კიბერუსაფრთხოებისა და კიბერ-ჰიგიენის საკითხებზე ონლაინ კურსი მიმდინარეობს.

ტრენინგი ცესკოს თავმჯდომარე თამარ ჟვანიამ და საარჩევნო სისტემების საერთაშორისო ფონდის (IFES) პროექტის ხელმძღვანელმა ქეთი მაისურაძემ გახსნეს და ტრენინგის მნიშვნელობასა და მიზნებზე ისაუბრეს.

სასწავლო კურსი ისეთ მნიშვნელოვან საკითხებს მოიცავს, როგორიცაა, კიბერუსაფრთხოების კონტროლის მექანიზმი, კიბერ-ჰიგიენის გაიდლაინები, კიბერ-ჰიგიენის შიდა-ორგანიზაციული პოლიტიკები.

სწავლებას IFES-ის ექსპერტი, ნათია ქაშაკაშვილი უძღვება. მასთან ერთად ტრენინგის ფასილიტატორები არიან ცესკოსა დასწავლების ცენტრის წარმომადგენლები, რომელთაც შესაბამისი გადამზადება მიმდინარე წლის აპრილში გაიარეს.

ონლაინ კურსი, რომელიც საარჩევნო სისტემების საერთაშორისო ფონდის მხარდაჭერითა და ორგანიზებით მიმდინარეობს, 22 ივნისს დაიწყო და 5 დღის განმავლობაში გაგრძელდება. ტრენინგი 4 ნაკადად ხორციელდება და მასში ეტაპობრივად, ცესკოსა და სწავლების ცენტრის 100 თანამშრომელი მონაწილეობს.