აზერბაიჯანის ვადამდელ საპარლამენტო არჩევნებს საქართველოს საარჩევნო ადმინისტრაციის დელეგაცია დააკვირდა. ოფიციალური ვიზიტის ფარგლებში დელეგაციის წარმომადგენლები - ცესკოს თავმჯდომარის მოადგილე გიორგი შარაბიძე, ცესკოს მდივანი გიორგი ჯავახიშვილი, ცესკოს წევრი გიორგი ძაგანია, ადამიანური რესურსების მართვის დეპარტამენტის ხელმძღვანელი გიორგი კალანდარიშვილი და ცესკოს სწავლების ცენტრის დირექტორი ნათია ზაალიშვილი აზერბაიჯანის ცესკოს თავმჯდომარეს შეხვდნენ და არჩევნებისთვის მზადების პროცესის შესახებ მიიღეს ინფორმაცია. კენჭიყრის დღეს კი ისინი უბნების გახსნას და კენჭისყრის მიმდინარეობას დააკვირდნენ.
საარჩევნო ადმინისტრაციაში გამართულ პრეს-კონფერენციაზე საქართველოს დელეგაციამ კენჭისყრის პროცესი შეაფასა და ჟურნალისტებს და დაინტერესებულ მხარეებს საკუთარი მიგნებები და რეკომენდაციები გააცნო.
აზერბაიჯანში ვადამდელი საპარლამენტო არჩევნები 9 თებერვალს გაიმართა.
