21 ნოემბერს, ცენტრალურ საარჩევნო კომისიაში (ცესკო) ღია კარის დღე გაიმართა. ივ. ჯავახიშვილის სახელობის თბილისის სახელმწიფო უნივერსიტეტის სტუდენტებს ცესკოს თავმჯდომარის მოადგილე, გიორგი შარაბიძე შეხვდა. მან სტუდენტებთან საარჩევნო ადმინისტრაციის საქმიანობასა და ცესკოს ინოვაციური სერვისების შესახებ ისაუბრა.
ვიზიტის ფარგლებში ახალგაზრდებს ცესკოს სწავლების ცენტრის წარმომადგენელმა, ნათია იოსელიანმა სემინარი ჩაუტარა. სტუდენტებმა დეტალური ინფორმაცია მიიღეს არჩევნების მნიშვნელობის, საარჩევნო პროცესში ამომრჩევლის როლის და იმ საგანმანათლებლო პროგრამების შესახებ, რომელსაც ცესკო ახალგაზრდა ამომრჩევლებს სთავაზობს.
შეხვედრის დასასრულს ახალგაზრდებმა ცესკოს ისტორიული ფოტოგამოფენა და ბიბლიოთეკა მოინახულეს. საარჩევნო ადმინისტრაციის წარმომადგენლებმა მათ დეტალური ინფორმაცია მიაწოდეს ისტორიული დოკუმენტების შესახებ.
