ცესკო და სწავლების ცენტრი იწყებს სასწავლო პროექტის „საარჩევნო ადმინისტრატორის კურსები - საუბნო საარჩევნო კომისიების პოტენციური წევრებისთვის“ II ეტაპის განხორციელებას.

აღნიშნული პროექტი მიზნად ისახავს საარჩევნო ადმინისტრაციის კვალიფიციური პოტენციური საკადრო რესურსის გამოვლენასა და განვითარებას. სწავლების ცენტრის მიერ შემუშავებული სამ დღიანი სასწავლო პროგრამის ფარგლებში მონაწილეები პრაქტიკული სწავლების ფორმატში გაეცნობიან კენჭისყრის დღის პროცედურებსა და საუბნო საარჩევნო კომისიის კომპეტენციას მიკუთვნებულ საკითხებს. 

სასწავლო პროექტის I ეტაპი 2019 წლის 25 სექტემბრიდან 25 ოქტომბრის ჩათვლით პერიოდში საქართველოს 64 მუნიციპალიტეტში განხორციელდა და მასში მონაწილეობა 7746 პირმა მიიღო (მათ შორის, ქალი - 6197, კაცი - 1549).

II ეტაპზე პროექტის განხორციელდება გათვალისწინებულია მიმდინარე წლის 25 ნოემბრიდან, რომელიც მოიცავს 8 მუნიციპალიტეტს (თბილისი, ქუთაისი, რუსთავი, მარნეული, საგარეჯო, გორი, ზუგდიდი, ბათუმი).

გრაფიკები იხილეთ ბმულზე. გრაფიკში ცვლილებების განხორციელების შემთხვევაში, ინფორმაცია აისახება დაუყოვნებლივ.