საქართველოს საარჩევნო ადმინისტრაციის 2020-2023 წლების სტრატეგიული გეგმის პროექტის განხილვა ცენტრალურ საარჩევნო კომისიაში (ცესკო) გამართული შეხვედრის მთავარი თემა იყო. ეთნიკური უმცირესობების საკითხებზე მომუშავე მუდმივმოქმედი ჯგუფის შეხვედრა ცესკოს თავმჯდომარე თამარ ჟვანიამ გახსნა. შეხვედრას როგორც სამუშაო ჯგუფის წევრი სწავლების ცენტრის დირექტორი ნათია ზაალიშვილიც ესწრებოდა.
შეხვედრის მონაწილეებს ადმინისტრაციის ოთხწლიანი გეგმის პროექტი ცესკოს პრეს-სპიკერმა და საარჩევნო ადმინისტრაციის სტრატეგიული დაგეგმარების გუნდის ხელმძღვანელმა ანა მიქელაძემ წარუდგინა.
ცესკოს კოორდინაციის, დაგეგმვისა და ანგარიშგების დეპარტამენტის უფროსმა სოფიო სიჭინავამ კი ჯგუფის წევრებს საარჩევნო ადმინისტრაციის 2020 წლის სამოქმედო გეგმის პროექტი გააცნო; მონაწილეებმა დეტალური ინფორმაცია მიიღეს იმ აქტივობების შესახებ, რომლებსაც ადმინისტრაცია ეთნიკური უმცირესობების წარმომადგენელ ამომრჩეველთა მიმართულებით გეგმავს. ჯგუფის წევრებმა ცესკოს მიერ განხორციელებული აქტივობები და ინიციატივები დადებითად შეაფასეს; შეხვედრის ბოლოს მონაწილეებმა აღნიშნულ აქტივობებთან და საქმიანობებთან დაკავშირებით საკუთარი მოსაზრებები წარმოადგინეს.
