2019 წლის 5-7 ნოემბრის ჩათვლით პერიოდში, სწავლების ცენტრმა ცესკოს სხვადასხვა სტრუქტურული ერთეულების თანამშრომლებისთვის ჩაატარა სასწავლო პროგრამა „ტრენერის პროფესიული უნარების განვითარება“.

სწავლების ცენტრის სასწავლო პროგრამების განყოფილების უფროსმა მაია გუდაძემ მონაწილეებს, პრაქტიკული გამოცდილების გაზიარების ფორმატში, სხვადასხვა მნიშვნელოვანი საკითხი გააცნო. სამ დღიანი ტრენინგის ფარგლებში მონაწილეებმა შემდეგი ძირითად მოდულები განიხილეს:

• ტრენინგის დაგეგმვა და სტრუქტურა;
• ტრენინგის პროგრამის დიზაინი;
• ტრენინგის ჩატარების მეთოდოლოგია;
• ტრენინგის შეჯამება/შეფასების მექანიზმები;
• ტრენერის სახელმძღვანელოს/გზამკვლევის შედგენისა და გამოყენების ტექნიკა;
• ტრენერის პროფესიული და ზოგადი უნარ-ჩვევები;
• პრეზენტაციის უნარ-ჩვევები.

სასწავლო პროგრამა ცესკოს აპარატის 24 თანამშრომელმა გაირა. ტრენინგის დასასრულს სწავლების ცენტრის დირექტორმა ნათია ზაალიშვილმა მონაწილეებს სერტიფიკატები გადასცა.

აღნიშნული ღონისძიება სწავლების ცენტრმა ცესკოს ადამიანური რესურსების მართვის დეპარტამენტთან თანამშრომლობით განახორციელა, რაც საარჩევნო ადმინისტრაციის სამოქმედო გეგმის შესაბამისად ინსტიტუციური გაძლირების ხელშეწყობას ითვალისწინებს.