საარჩევნო სისტემების განვითარების, რეფორმებისა და სწავლების ცენტრის წარმომადგენლები პოლონეთის რესპუბლიკაში 2019 წლის 13 ოქტომბერს ჩატარებული საპარლამენტო (სეიმისა და სენატის) არჩევნების მიმდინარეობას დააკვირდნენ.
სადამკვირვებლო მისიაში სწავლების ცენტრის სასწავლო პროგრამების განყოფილების უფროსი მაია გუდაძე და სერტიფიცირებისა და პროექტების მართვის განყოფილების თანამშრომელი ნათია შარაშიძე მონაწილეობდნენ, რომლებიც საარჩევნო უბნების გახსნას, საარჩევნო პროცესის მიმდინარეობას და უბნების დახურვის პროცედურებს დააკვირდნენ.
სწავლების ცენტრის წარმომადგენლები ვარშავაში პოლონეთის რესპუბლიკის საარჩევნო ადმინისტრაციის მიწვევით იმყოფებოდნენ.
