2019 წლის 25 ივნისს სწავლების ცენტრის მიერ გამოცხადებული საგრანტო კონკურსის ფარგლებში, საკონკურსო კომისიის გადაწყვეტილებით დაფინანსდა 39 ადგილობრივი არასამთავრობო ორგანიზაცია, შემდეგ მიმართულებაზე: "ამომრჩეველთა განათლება საარჩევნო და სამოქალაქო კულტურის განვითარებისათვის".

კონკურსის გამოცხადება მიზნად ისახავდა ადგილობრივი არასამთავრობო სექტორის წახალისებას ისეთი პროექტების უზრუნველსაყოფად, რომელიც საზოგადოებაში საარჩევნო და სამოქალაქო კულტურის განვითარებას უკავშირდება და ითვალისწინებს დაფინანსებული ადგილობრივი არასამთავრობო ორგანიზაციების მიერ საინფორმაციო/სასწავლო პროგრამების განხორციელებას და ამომრჩეველთა ინფორმირებას.

საგრანტო კონკურსში გამარჯვებულად გამოვლენილ არასამთავრობო ორგანიზაციებთან კოორდინაციის პირობებში, ასევე უზრუნველყოფილი იქნება კონტრიბუცია საარჩევნო ადმინისტრაციის მხრიდან, რომლის ფარგლებში საოლქო საარჩევნო კომისიების წარმომადგენლები ჩაუტარებენ ტრენინგებს საგრანტო კონკურსში გამარჯვებულად გამოვლენილი არასამთავრობო ორგანიზაციების საგრანტო პროექტების ბენეფიციარ მოქალაქეებს. აღნიშნული თანამშრომლობა მოქალაქეთა საარჩევნო ცნობიერების ამაღლებას და მათთვის საარჩევნო პროცესის სახელმძღვანელო პრინციპების თაობაზე დეტალური ინფორმაციის მიწოდებას ემსახურება.

დაფინანსებული საგრანტო პროექტები 2019 წლის 25 სექტემბრიდან - 25 ნოემბრის პერიოდში განხორციელდება და საქართველოს ყველა რეგიონს მოიცავს.

საგრანტო პროექტებით გათვალისწინებული ღონისძიებების ჩატარების გრაფიკი ეტაპობრივად აისახება ბმულზე. ამასთანავე, გრაფიკში ცვლილებების შეტანის შემთხვევაში მოხდება მისი განახლება.